"სამეგრელოს კასრების საქმეში ერთ-ერთი ორგანიზატორი კოხტა კოდუა ხელისუფლებამ ქვეყნიდან გააპარა." – ამის შესახებ განცხადება ჟურნალისტმა ელისო კილაძემ გადაცემა რუსთავი 2 -ის გადაცემა არჩევანში გაკეთა. იგი ამბობს, რომ მან პირადად მიაწოდა კოხტა კოდუას კოორდინატები ახალი ხელისუფლების ძალოვანი უწყების მაღალჩინოსნებს, თუმცა წამებაში მონაწილე პირი მთავრობამ ქვეყნიდან გააპარა.
„კოხტა კოდუა საქართვლოში იმყოფებოდა 2013 წელს. ჟურნალისტური გამოძიების დროს როდესაც სამეგრელოში ვიმყოფებოდი პირადად ჩემთვის გახდა ცნობილი, რომ კოხტა კოდუა სამეგრელოში აკეთებდა თავისი თანამზრახველების მობილიზაციას. საუბარი იყო ადამიანთა პირადი ცხოვრების, მათ შორის ოცნების დეპუტატების და მინისტრების პირადი ცხოვრების ამსახველი მასალების გამოქვეყნებაზე. მე გადავეცი, ამ პირის საცხოვრებელი მისამართი და ტელეფონი მაშინდელ ძალოვანი უწყების მაღალჩინოსნებს, მაგრამ კოხტა კოდუა საქართველოდან გააპარეს და სამეგრელოს კასრების ერთ-ერთ ორგანიზატორს მისცეს საშუალება ქვეყნიდან გაპარვის. ვსვამ კითხვას, რა დამოკიდებულებაა ეს ადამიანების წამებაში მონაწილე პირების მიმართ?“ – აცხადებს ელისო კილაძე.