რუსეთმა, სავარაუდოდ, დაკარგა თავისი ძირითადი საბრძოლო ტანკების ნახევარი და გამოიყენა ზუსტი მართვადი იარაღის უმეტესობა – ამბობს აშშ-ს თავდაცვის მდივნის მოადგილე პოლიტიკის საკითხებში კოლინ კალი.
„პუტინმა მარცხი განიცადა. რუსეთი ამ ომიდან უფრო სუსტი გამოვა, ვიდრე იყო “,- განუცხადა კალმა ჟურნალისტებს ჯორჯ ვაშინგტონის უნივერსიტეტის მედიისა და ეროვნული უსაფრთხოების პროექტის ფარგლებში.
კალის თქმით, ომის დაწყების შემდეგ, რუსეთმა განიცადა იმაზე მეტი მსხვერპლი, ვიდრე საბჭოთა კავშირმა ავღანეთში.