თამაზ შავშიშვილს უკრაინიდან 3 წლიანი დეპორტაცია აქვს

რუსთავი 2-ის ოპერატორმა, თამაზ შავშიშვილმა, ბორანი წუხელ დატოვა. მან დეტალურად ისაუბრა თუ როგორ მოხდა მის სახლში უკრაინის სპეცრაზმის შევარდნა.თამაზ შავშიშვილის განცხადებით, მას იარაღის კონდახით სცემეს, ძირს დააგდეს და ხელ -ფეხი წებოვანი ლენტით შეუკრეს. მისივე თქმით, ის სპეცრაზმმა სახლიდან მოიპარა.„11 საათზე შემოვარდნენ 15 შეიარაღებული. სახეში ჩამარტყეს იარაღი, ძირს დამაწვინეს და ფეხებით მირტყამდნენ. ფეხები და ხელები შემიკრეს "სკოჩით". ჩამაგდეს მანქანში. ორჯერ გამოცვალეს ეს მანქანა. მომიპარეს სახლიდან, ფაქტობრივად. მერე ვერტფრენში ამიყვანეს. ჯერ წამიკითხეს, სამი წელი ვერ შემოხვალ უკრაინაშიო. ვერტფრენში ძირს დამაწვინეს და გაურკვეველი მიმართულებით გავფრინდით. ეს მთელი დღე გრძელდებოდა. აღმოვჩნდი მერე გემზე. მეც ვერ მივხვდი, რა ხდებოდა. ჩვეულებრივად მომიპარეს. სახლში შემოვიდა სპეცრაზმი და მომიპარა,“ – განაცხადა თამაზ შავშიშვილმა.მისივე თქმით, მას აქვს ერთი კვირის წინ მიღებული აკრედიტაცია, სადაც წერია, რომ უფლება აქვს, უკრაინაში იმუშაოს და მისი პროფესიული მოვალეობა შეასრულოს. თამაზ შავშიშვილის თქმით, აუცილებელია, რომ მოითხოვოს ქართულმა მხარემ პასუხი იმაზე, რაც მისი მოქალაქეების მიმართ მოხდა.

თამაზ შავშიშვილს უკრაინიდან 3 წლიანი დეპორტაცია აქვს

სიახლეები

საბაკალავრო პროგრამებზე სახელმწიფო უნივერსიტეტებში ჩარიცხული სტუდენტების რაოდენობა 10%-ით შემცირდა

ეროვნული ბანკი მოსახლეობას აფრთხილებს

2026 წლის ერთიანი ეროვნული გამოცდების შედეგებით, 3 141 აბიტურიენტი პროფესიულ საგანმანათლებლო პროგრამებზე ჩაირიცხა

უკრაინამ რუსეთის ქალაქ კოტოვსკში Wildberries-ის ლოგისტიკური ცენტრი დაბომბა