მარტვილის საარჩევნო ოლქში 31 ოქტომბერს დაგეგმილი პარლამენტის შუალედური არჩევნებისთვის – 32,050 ბიულეტენი დაიბეჭდება, საგარეჯოს ოლქისთვის 43, 400 ბიულეტენი. ადგილობრივი თვითმმართველობის წარმომადგენლობითი ორგანოს – საკრებულოს შუალედური არჩევნებისთვის კი, რომელიც იმავე დღეს გაიმართება დმანისის, ვანის, ხობის და საგარეჯოს ადგილობრივ საარჩევნო ოლქებში, 4950 ბიულეტენი.
ბიულეტენების ბეჭდვის პროცესი დღეს დაიწყო. . ბეჭდვის პროცესს ცესკო-ს წევრები გიორგი ჭიქაბერიძე და ზურაბ ხრიკაძე, ასევე არასამთავრობო ორგანიზაციების წარმომადგენლები ვლადიმერ ბოჟაძე (სამოქალაქო საზოგადოების დემოკრატიის განვითარების ცენტრი) და მარიამ კვარაცხელია (საერთო სამოქალაქო მოძრაობა "მრავალეროვანი საქართველო") აკვირდებიან.