საქართველოს პრემიერმინისტრი ირაკლი ღარიბაშვილი მერაბ კოსტავას გარდაცვალების დღესთან დაკავშირებით წერს, რომ საქართველომ მისი ერთ-ერთი გამორჩეული შვილი დაკარგა.
“დღეს მერაბ კოსტავას გარდაცვალების დღეა.
1989 წლის 13 ოქტომბერს საქართველომ დაკარგა თავისი ერთ-ერთი გამორჩეული შვილი, ნამდვილი ქართული ხასიათის – ღირსების, სიმტკიცისა და სამშობლოსათვის თავდადების განსახიერება.
ქედს ვიხრი მისი ნათელი ხსოვნის წინაშე.
მერაბ კოსტავას უდიდესი წვლილი საქართველოს დამოუკიდებლობაში, მისი გმირული ცხოვრება მუდამ ემახსოვრებათ ჩვენს ქვეყანაში,” – წერს პრემიერმინისტრი ირაკლი ღარიბაშვილი.
შეგახსენებთ, დღეს 33 წელი გავიდა მას შემდეგ, რაც საბჭოთა სპეცსამსახურებმა, სოფელ ბორითთან, ავტოავარიის ლეგენდის საფარქვეშ, მერაბ კოსტავა მოკლეს.