ეპიცენტრი მიწისძვრისა, რომელიც წუხელ თბილისშიც იგრძნობოდა, აზერბაიჯანში, მინგეჩაურის სიახლოვეს მდებარე ქალაქ ბარდაში დაფიქსირდა – საქართველოს საზღვრიდან 135 კილომეტრში.
მიწისძვრა ადგილობრივი დროით 23:45 საათზე მოხდა, პირველი ბიძგების სიმძლავრე 5.6 მეათედი მაგნიტუდა იყო, ხოლო რამდენიმე საათში განმეორებული ბიძგებისა – 3 ბალი. თავად ეპიცენტრში კი 7 ბალი.
აზერბაიჯანი საგანგებო სიტუაციების სამსახურის ინფორმაციით, აგდამის რაიონში დანგრეულია რამდენიმე საცხოვრებელი სახლი.
ხანძარი გაჩნდა ელექტრომომარაგების სისტემის ერთ-ერთ პუნქტზე, რის გამოც რამდენიმე დასახლება ელექტროენერგიის გარეშე დარჩა.
ამ დრომდე არ ვრცელდება ინფორმაცია დაშავებულების შესახებ.
სპეციალური კომისია ზარალის ოდენობას ითვლის.
