საფრანგეთის საგარეო საქმეთა მინისტრი, კატრინ კოლონა კიევში ჩავიდა.ვიზიტის ფარგლებში ის უკრაინის საგარეო საქმეთა მინისტრსა და პრეზიდენტ ვოლოდიმირ ზელენსკის შეხვდება.
საგარეო საქმეთა სამინისტროს განცხადების თანახმად, ეს კიევში კოლონას მესამე ვიზიტია.
“რუსეთის ხელისუფლების წარმომადგენლების უპასუხისმგებლო განცხადებებისა და უკრაინის ტერიტორიაზე ყალბი რეფერენდუმის კონტექსტში, მინისტრს სურს საფრანგეთის სოლიდარობა გამოუცხადოს უკრაინელ ხალხს და მის სრულ გადაწყვეტილებას, გააძლიეროს მხარდაჭერა უკრაინისა და მისი სუვერენიტეტისა და ტერიტორიული მთლიანობის მიმართ”, – წერს სამინისტრო.
ცნობისთვის, მას შემდეგ, რაც რუსეთმა მობილიზაცია გამოაცხადა და ოკუპირებულ რეგიონებში “რეფერენდუმებს” ატარებს, დასავლეთი ახალი სანქციების დაწესებას გეგმავს.