რამდენიმე წუთის წინათ ცნობილი გახდა, რომ პარლამენტს ცესკო-მ დავით საგანელიძის ადგილმონაცვლის კანდიდატურა წარუდგინა. საგანელიძეს პარლამენტში ვლადიმერ აჩბა შეცვლის.
როგორც ბიუროს დღევანდელ სხდომაზე პარლამენტის თავმჯდომარემ, დავით უსუფაშვილმა განაცხადა, საკანონმდებლო ორგანოში ცესკო-დან საგანელიძის ადგილმონაცვლის თაობაზე დოკუმენტაცია უკვე შევიდა.
მისი თქმით, ვლადიმერ აჩბა თანხმობას აცხადებს, პარლამენტის წევრის ადგილი დაიკავოს.
შეგახსენებთ, "ქართული ოცნების" საარჩევნო სიის მიხედვით, პარლამენტში საგანელიძის ადგილმონაცვლე ზუგდიდის გამგებელი ედიშერ თოლორაია იყო, თუმცა მან უარი განაცხადა დაიკავოს ეს ადგილი პარლამენტში იმ მოტივით, რომ იგი არჩეული გამგებელია და პატივს სცემს ადამიანებს, რომელთაც მასზე არჩევანი ზუგდიდში სასურველი ცვლილებების მოლოდინში შეაჩერეს.
,