მიხეილ სააკაშვილთან ერთად უკრაინის საზღვრის უკანონოდ გადაკვეთისთვის ჟურნალისტები დააჯარიმეს

ლვოვის ოლქის სასამართლომ რამდენიმე ჟურნალისტი და რეჟისორი საქართველოს ყოფილ პრეზიდენტ მიხეილ სააკაშვილთან ერთად უკრაინის სახელმწიფო საზღვრის გამშვები პუნქტი „შეგინის“ უკანონოდ გადაკვეთისთვის დააჯარიმა. ამის შესახებ უკრაინული გამოცემა „გლავკომი“ იუწყება. ჯარიმები დააკისრეს ამერიკელ რეჟისორებს ბრაიან ჯეიმს ენდრიუს და კლემენტს მარლი დენიელს, უკრაინული გამოცემა Страна.ua-ს მთავარი რედაქტორის მოადგილეს სვეტლანა კრიუკოვას, Новини 24-ის ჟურნალისტს ანგელინა პიჩიკს, პროდიუსერს ალექსეი ხუდენცოვს, ოპერატორს მარკ გავრილოვს, „რუსთავი 2“-ის ჟურნალისტებს თომა ჩაგელიშვილს და თამარ ბაღაშვილს, ოპერატორებს გიორგი ჩიკვილაძეს და დათუნა მაისურაძეს, დოკუმენტური ფილმების პროდიუსერს გიორგი ჩადუნელს. სასამართლოს გადაწყვეტილებით, თითოეულმა პირმა უკრაინის სახელმწიფო საზღვრის უკანონო გადაკვეთისთვის 3,4 ათასი გრივნა უნდა გადაიხადოს, რაც დაახლოებით 130 აშშ დოლარს უდრის. აღსანიშნავია, რომ უკრაინის საზღვრის უკანონო გადაკვეთისთვის დაკისრებული ჯარიმა მიხეილ სააკაშვილმა უკვე გადაიხადა.

მიხეილ სააკაშვილთან ერთად უკრაინის საზღვრის უკანონოდ გადაკვეთისთვის ჟურნალისტები დააჯარიმეს

სიახლეები

ზურაბიშვილი გაფიცულ მოქალაქეებს შეუერთდა

საკრებულოს ფრაქცია ,,ქართული ოცნების” თავმჯდომარის მოადგილე თაზო ფაცაცია შშმ პირს მუქარის მესიჯს უგზავნის

ძალიან მეტკინა ამ კაცს ასე რომ მოექცნენ – მაჩალიკაშვილი გახარიაზე თავდასხმაზე

საქართველო იფიცება – 3 საათით ასობით კომპანია მუშაობას აჩერებს