სოხუმი მოსკოვთან ე.წ. ორმაგი მოქალაქეობის საკითხების მარეგულირებელ შეთანხმებას ამზადებს

ოკუპირებული აფხაზეთის დე ფაქტო პრეზიდენტმა რაულ ხაჯიმბამ რუსეთთან ე.წ. ორმაგი მოქალაქეობის საკითხების მარეგულირებელი შეთანხმების გაფორმების საკითხებზე თათბირი ჩაატარა.დე ფაქტო პრეზიდენტის ადმინისტრაციის ხელმძღვანელის პირველი მოადგილის დიმიტრი შამბას განცხადებით, “პროექტში ჩასადებია მუხლი იმის შესახებ, რომ რესპუბლიკის მოქალაქეებზე არ გავრცელდება რუსული შეზღუდვები, რომელიც სახელმწიფო და მუნიციპალურ სამსახურებში თანამდებობების დაკავებაზე მოქმედებს”.«მას შემდეგ, რაც რუსეთის ფედერაციაში შესაბამისი საკანონმდებლო შეზღუდვები იქნა შემოღებული, აფხაზეთის ბევრი მოქალაქე სახელმწიფო სამსახურში აყვანისას იძულებული გახდა, აფხაზეთის მოქალაქეობიდან გასულიყო», – განმარტა მან.იუსტიციის დე ფაქტო მინისტრ მარინა ფილიას მტკიცებით, “შეცდომითია მოსაზრება, თითქოს რუსეთთან ხსენებული შეთანხმების გაფორმების შემდეგ რუსეთის მოქალაქეები აფხაზეთის მოქალაქეობას გამარტივებული წესით მიიღებენ”.“ეს დოკუმენტი მხოლოდ და მხოლოდ იმას გამოიწვევს, რომ აფხაზების მიერ რუსეთის მოქალაქეობის მიღებაზე შეზღუდვები მოიხსნება, ხოლო აფხაზური პასპორტის მიღების პროცედურა უცვლელი დარჩება” – ირწმუნება ფილია.ცნობისთვის: სოხუმმა რუსეთის ფედერაციასთან ე.წ. ორმაგი მოქალაქეობა ცალმხრივ რეჟიმში 2002 წლის ნოემბერში შემოიღო. მოსკოვის მიერ აფხაზეთის ე.წ.დამოუკიდებლობის აღიარების შემდეგ ოკუპირებული რეგიონის მაცხოვრებელთათვის რუსეთის მოქალაქეობის გაფორმების პროცესი შესაბამისი შეთანხმების გაფორმებამდე შეაჩერეს.

სოხუმი მოსკოვთან ე.წ. ორმაგი მოქალაქეობის საკითხების მარეგულირებელ შეთანხმებას ამზადებს

სიახლეები

“როგორც ჩანს, არჩევნებში ჩასარევად ჩემმა კოსმოსურმა ლაზერებმა ამჯერად ვერ იმუშავა“ – ილონ მასკი

დღეს ამერიკელმა ხალხმა მკაფიო გზავნილი გაგზავნა – ობამა

ჩვენ არ ვეპატიჟებით პუტინს კიევში. ისინი 2022 წელს ჩვენთან დაუპატიჟებლად მოვიდნენ – ზელენსკი

4 ოქტომბრის საქმეზე დაკავებული მურთაზ ზოდელავა თავისუფალია