დილით რუსმა ოკუპანტებმა უკრაინის დედაქალაქის დაბომბვა დაიწყეს. როგორც სახალხო დეპუტატი ოლექსანდრ გონჩარენკო წერს, კიევისა და კიევის ოლქის დასახლებებისკენ სულ 14 რაკეტა იყო გაშვებული.
ოფიციალური ინფორმაციით, უშუალოდ ქალაქ კიევის თავზე ორი რაკეტა მოფრინდა, რომელთაგან ერთი ჰაერსაწინააღმდეგო თავდაცვის სისტემამ გაანეიტრალა, ერთი კი ცხრასართულიან საცხოვრებელ კორპუსს დაეცა – დაინგრა ბოლო სამი სართული, გაჩნდა ხანძარი, არიან დაზარალებულები, ინფორმაცია მსხვერპლის შესახებ ზუსტდება.
ადგილზე სამაშველო სამსახურები მუშაობენ, ხანძარი ლოკალიზებულია.
–
მოკლედ მიწოდებულ და განახლებულ ინფორმაციას კიევის დაბომბვისა და რუსეთ-უკრაინის ომის მიმდინარეობის შესახებ მიადევნეთ თვალი ჩვენს ტელეგრამ-არხზე: 