ლიბერთი ბანკსა და ივ. ბოკერიას სახელობის საუნივერსიტეტო ჰოსპიტალს შორის ურთიერთ თანამშრომლობის მემორანდუმი გაფორმდა. პარტნიორობის ფარგლებში, ლიბერთის უფროსი თაობის მომხმარებლები და სოციალური ბარათის სხვა მფლობელები განსაკუთრებული პირობებით ისარგებლებენ. კერძოდ, სპეციალური ფასები გავრცელდება ყველაზე მოთხოვნად – კარდიოლოგიურ და ნეირო ქირურგიულ ოპერაციებზე.
ფასდაკლებებით ისარგებლებენ საყოველთაო დაზღვევის მქონე ბენეფიციარები, ამას გარდა, შაბათ-კვირას, 50%-იან ფასდაკლებას მიიღებენ უფროსი თაობის წარმომადგენლები და ლიბერთის სოციალური ბარათის სხვა მფლობელები ლაბორატორიულ ანალიზებსა და მაღალტექნოლოგიურ კვლევებზე.