ჯორჯ ბუშსა და ბარაკ ობამას აშშ-ის ხელისუფლების პოლიტიკა არ მოსწონთ

ამერიკის შეერთებული შტატების ორი ყოფილი პრეზიდენტი ქვეყანაში არსებული პოლიტიკური მდგომარეობით შეშფოთებულია. ბარაკ ობამამ და ჯორჯ ბუშმა სხვადახვა ადგილას და თითქმის ერთდროულად, თითქმის ერთი და იგივე შინაარსის განცხადებები გააკეთეს ისე, რომ არც ერთ პრეზიდენტს დონალდ ტრამპის სახელი არ უხსენებია.ნიუ ჯერსიში დემოკრატიული პარტიის ღონისძიებაზე სიტყვით გამოსვლის დროს, პრეზიდენტმა ობამამ განაცხადა, რომ ამერიკელებმა მთელს მსოფლიოს უნდა გაუგზავნონ მარტივი გზავნილი – რომ ისინი არ ეთანხმებიან დაყოფისა და შიშის პოლიტიკას. „21-ე საუკუნეში ვცხოვრობთ და არა მეცხრამეტეში, კარგით რა“, – განაცხადა ობამამ. ექსპრეზიდენტმა ამერიკის შეერთებული შტატების ადმინისტრაციის მუშაობა ისე გააკრიტიკა, რომ დონალდ ტრამპი არც ერთხელ უხსენებია. ობამას განცხადებამდე რამდენიმე საათით ადრე, ნიუ იორკში სიტყვით გამოსვლის დროს, აშშ-ის მთავრობის მიმართ უკმაყოფილება ექსპრეზიდენტმა ბუშმაც გამოთქვა.„ისეთი განცდა მაქვს, თითქოს, რაღაც ძალები ჩვენს დასაშორებლად უფრო მეტ ძალისხმევას იჩენენ, ვიდრე ჩვენს გასაერთიანებლად“, – განაცხადა ექსპრეზიდენტმა.

ჯორჯ ბუშსა და ბარაკ ობამას აშშ-ის ხელისუფლების პოლიტიკა არ მოსწონთ

სიახლეები

რუსეთიდან საქართველოში შემომსვლელთა რაოდენობის ზრდის ფონზე, ექსპერტები შესაძლო რისკებზე საუბრობენ

რუსეთი აგებს ომს, რომელიც მანვე დაიწყო – ურსულა ფონ დერ ლეიენი

ზარქუა ღარიბაშვილზე: მე მაინც მგონია, რომ აქ საქმე გვაქვს გაუგებრობასთან

ბაჩალიაშვილის დედა დღეს, 17:00 საათზე პროკურატურაში დაიბარეს