საქართველოს ყოფილი პრეზიდენტი, უკრაინის ოპოზიციურ ძალთა მოძრაობის ლიდერი მიხეილ სააკაშვილი გუშინ როვნოში ჩავიდა და მხარდამჭერებს შეხვდა.
ქალაქის ცენტრალურ მოედანზე მის შესახვედრად ასეულობით ადამიანი მივიდა – იუწყება უკრაინული მედია – შეიძლება ითქვას, მან აქ მთელი მაიდანი შეკრიბა. სააკაშვილის მივლსმდე ხალხს მიმართეს მისმა თანამოაზრეებმა – მაიდნის გმირებმა იგორ მაზურმა და იური პლოსკიმ, მათ მხარდაჭერა გამოუცხადეს სააკაშვილის ოპოზიციურ მოძრაობას და მწვავედ გააკრიტიკეს პეტრო პოროშენკოს მმართველობა ზოგადად და მისი ქმედება პოლიტიკური ოპონენტის მიმართ.
მიხეილ სააკაშვილმა მადლობა გადაუხადა როვნოელებს გულთბილი დახვედრისა და მხარდაჭერისთვის და ილაპარაკა უკრაინაში შექმნილ ვითარებაზე და გამოწვევებზე, რომლის წინაშეც დგას ოპოზიცია, რომელიც უკრაინის წინსვლისა დ განვითარების სახელით უპირსპირდება პოროშენკოს ხელისუფლებას.მისი გამოსვლა პირდაპირ ეთერში გადასცა ტელეარხმა NewsOne
თავისი სპიჩის უდიდესი ნაწილი მიხეილ სააკაშვილმა მიუძღვნა თავის ხედვას ქვეყანაში სიტუაციის გაუმჯობესების საკითხში, მან მოუწოდა პოროშენკოს ყურადღება მიაქციოს ხელისფლებისადმი მოსახლეობის ნდობის კატასტროფულ ვარდნას და ხელი აიღოს ,,თავისი ხალხის'' უპირობო მხარდაჭერასა და ხელშეწყობაზე უკრაინელი ხალხის კუთვნილის მიტაცებაში.
პრეზიდენტმა სააკაშვილმა პრეზიდენტ პოროშენკოს ურჩია დაითხოვოს რადა, გადააყენოს ცენტრალური საარჩევნო კომისიის თავმჯდომარე მიხეილ ოხენდოვსკი და ძირეულად გარდაქმნას უკრაინის უშიშროების სამსახური.
მიხეილ სააკაშვილის შემდეგ შეკრებილებს სიტყვთ მიმართა როვნოელმა სოლომია ბობროვსკაიამ, რომელიც მიხეილ სააკაშვილის მოადგილე იყო ოდესის სამხარეო ადმინისტრაციის ხელმძღვანელობის დროს. მან აგაახმოვანა სამი საკვანძო მოთხოვნა პრეზიდენტის მიმართ: დეპუტატის ხეშეუხებლობის გაუქმება , ანტიკორუფციული სასამართლოს შექმნა და ახალი საარჩევნო წესების დაკანონება.
შეკრების შემდეგ მიხეილ სააკაშვილმა როვნოს ქუჩები დაიარა, მოსახლეობა მას უდიდესი ინტერესით და კეთილგანწყობით ხვდებოდა.
