მდინარე დნეპრიის მარჯვენა ნაპირზე ოკუპანტები უკრაინის დედაქალაქიდან 70 კმ-ის მოშორებით განდევნეს, – ამის შესახებ გენერალი ალექსანდრე გრუზევიჩი იტყობინება.
მარცხენა ნაპირზე ამ დრომდე გრძელდება რუსი ოკუპანტების მცდელობები, რომ უკრაინის დედაქალაქის მიმართულებით გაიჭრნენ, თუმცა, შეიარაღებული ძალები ამ დრომდე უმკლავდებიან.
მისი თქმით, “ამ დისტანციაზე მტრის უკანდახევა კიევზე საცეცხლე წერტილებით შეტევას შეუძლებელს ხდის, თუ არ მივიღებთ მხედველობაში რაკეტებს”. გრუზევიჩის თქმით, ამ მხრივ, შეგვიძლია სიმშვიდის შენარჩუნება, მაგრამ მტერი სხვა ტაქტიკაზე – ინფრასტრუქტურის განადგურებაზე გადავიდა.
ამასთან, გენერლის თქმით, შექმნილია თავდაცვის რკალი, რომელიც სამშრიანია და მისი თქმით, მის გარღვევას ოკუპანტები ვერ მოახერხებენ.
“ბროვარისა და ბორისპოლის მიმართულებით მტერმა საერთოდ უარი განაცხადა აქტივობაზე”, – თქვა გენერალმა გრუზევიჩმა.