„დაიცავი საქართველოს“ ლიდერი კახა მიქაია აცხადებს, რომ „ქართული ოცნების“ მერობის კანდიდატი ლაშა გოგია დღემდე „ერთიანი ნაციონალური მოძრაობის“ ზუგდიდის ოფისის უსაფრთხოების სამსახურის თანამშრომელია. მიქაიამ განცხადება დღეს მედიისთვის სპეციალურად გამართულ ბრიფინგზე გააკეთა. ასევე მან დაასახელა რამდენიმე სოფლის გამგებელი, რომლებიც დღემდე ნაციონალური მოძრაობის პარტიაში ირიცხებიან.მიქაიას მიერ ჟურნალისტებისთვის წარდგენილი სია ასე გამოიყურება:
1. ირაკლი ჯანაშია- ჭითაწყარის მაჟორიტარობის კანდიდატი, გამგებლის ყოფილი მოადგილე პარტიული კვოტით, 2012 წლამდე იყო ნაციონალური მოძრაობის შტაბის წევრი
2. პაატა ებრალიძე- ჯიხაშკარის მაჟორიტარობის კანდიდატი, ჯიხაშკარის გამგებლის მოადგილე წინა ხელისუფლების დროიდან დღემდე.
3. ზურაბ ფაჟავა – იყო უბნის კოორდინატორი და გამგებლის მოადგილე ნაც. მოძრაობის კვოტით, ამჟამად გამგებელი კოლხიდა-ჯუმში.
4. კობა ჩახაია-იყო ნაციონალური მოძრაობის კოორდინატორი კახათში. პარტიიდან საარჩევნო კომისიის წევრი. პარტიის საარჩევნო შტაბის წევრი კახათში. დღემდე გამგებელი.
5. ვალერი პერტია- იყო გამგებლის მოადგილე 2012 წლამდე. ამჟამად გამგებელი.
6. ბადრი ნინუა- ურთა. დღემდე გამგებელი. იყო ურთის საარჩევნო შტაბის უფროსი.
7. რევაზ შელია- ახალკახათი. იყო გამგებელი. პარტიის შტაბის უფროსი, ამჟამადაც გამგებელი