უკრაინაში მაროდიორობის ამსახველ ვიდეომასალებთან ერთად, ტელეგრამ და იუთუბ-არხებზე ქვეყნდება უკრაინაში ტყვედ აყვანილი რუსი ოკუპანტების სატელეფონო ჩანაწერები ახლობლებთან და ოჯახის წევრებთან, რომლებიც დატყვევებამდეა ჩაწერილი.
შს მინისტრის მრჩეველი ანტონ გერაშენკო აქვეყნებს სატელეფონო საუბრის ფრაგმენტს, სადაც, მისი თქმით, რუსი, უკრაინაში მყოფი ჯარისკაცი ცოლსდ ესაუბრება. ეს მაშინ ხდება, როცა ოკუპანტი რადის კოტეჯურ დასახლებაში იყო და სახლებს ძარცვავდა.
“შენ ახლა ორი ნორკის ქურქი გაქვს, დაშას კი წავის ტყავის მანტო. მედიუმი ან სმოლი, ხომ? ეს ზომები ხომ მოგერგება? ჩემთვის “იამაჰას” კომპლექტი მაქვს, თითო 100.000 რუბლი ღირს. ამის გარდა, ახალი ხორცსაკეპი გვაქვს აგარაკისთვის”, – ეუბნება ის ცოლს.
ეს რუსი ოკუპანტი ჯარისკაცი მოკლულია, საუბრის ავთენტურობა მის მობილურ ტელეფონზე გადამოწმდა.
შეგახსენებთ, ანტონ გერაშენკო პერიოდულად აქვეყნებს ოკუპანტთა საუბრების ამსახველ ჩანაწერებს.