პრეზიდენტმა გიორგი მარგველაშვილმა საგანგებო ბრიფინგზე განაცხადა, რომ ქვეყანაში კონსტიტუციური წესრიგის შესანარჩუნებლად პოლიტიკურ პარტიებთან, არასამთავრობო ორგანიზაციებთან და დიპლომატიურ კორპუსთან კონსულტაციებს იწყებს: „არსებული ვითარებიდან გამომდინარე ვიწყებ კონსულტაციებს პოლიტიკურ პარტიებთან, არასამთავრობო ორგანიზაციებთან და სდიპლომატიურ კორპუსთან, იმისთვის რომ შევინარჩუნოთ სამოქალაქო სტაბილურობა, მშვიდობა და ჩვენთვის უმნიშვენელოვანესი კონსტიტუციური წესრიგი ჩვენ ქვეყანაში.“-.
მან მოუწოდა მოსამართლე ურთმელიძეს, თავი შეიკავოს ხისტი და ნაჩქარევი გადაწყვეტილებისგან .„მოვუწოდებ მოსამართლეს, რომ არ მიიღოს ნაჩქარევი და ხისტი გადაწყვეტილება, რაც უფრო დაძაბავს სიტუაციას“, – განაცხადა გიორგი მარგველაშვილმა.
შეგახსენებთ, პრეზიდენტმა გააკრიტიკა პრემიერ-მინისტრი განცხადებებისათვის, რომლითაც სიტუაციის განმუხტვის ნაცვლად ქვეყანაში დაძაბულობის ესკალაციას შეუწყო ხელი: და მოუწოდა მთავრობას თავი შეიკავოს მსგავსი შეფასებებისაგან.
პრეზიდენტის საგანგებო განცხადებას რუსთავი 2 – ის დასაცავად შეკრებილები ტაშით შეხვდნენ. არხის დირექტორმა ნიკა გვარამიამ აღნიშნა, რომ მიესალმება ,,ხელისუფლებაში დარჩენილი ერთადერთი სახელმწიფოებრივად მოაზროვნე პირის, საქართველოს პრეზიდენტის'' განცხადებას