ხარკოვთან მიმდინარე შეტაკებების დროს რუსმა ოკუპანტებმა შეიარაღებული ძალების სარდლობიდან კიდევ ერთი მაღალჩინიანი სამხედრო პირი დაკარგეს:
უკრაინის შს მინისტრის მრჩეველი ანტონ გერაშენკო წერს, რომ ხარკოვთან ლიკვიდირებულია გენერალ-მაიორი ვიტალი გერასიმოვი, რომელიც რუსეთის ცენტრალური სამხედრო ოლქის 41-ე არმიის მეთაური იყო. გერაშენკოს თქმით, დაჭრილი არიან ოფიცრებიც.
აღსანიშნავია, რომ გენერალი გერასიმოვი სირიის მოვლენებშიც მონაწილეობდა, ამას გარდა, რუსეთის უმაღლესი პირებისგან მიღებული აქვს ჯილდო “ყირიმის დაბრუნებისთვის”.
შეგახსენებთ, ეს პირველი გენერალი არ არის, რომელიც რუსეთ-უკრაინის ომის დაწყებიდან ამ დრომდე მოკლეს.