წუხელ გვიან ღამით თავდასხმა მოხდა ერთიანი ნაციონალური მოძრაობის კიდევ ერთ ოფისზე. ფოთის ადგილობრივი ორგანიზაციის წევრებს დაზიანებული დახვდათ შენობის ფასადი. "ნაციონალების" ოფისი ქალაქის ცენტრში, აღმაშენებლის ქუჩაზე მერიის ადმინისტრაციული შენობის წინ მდებარეობს.
მომხდარში პარტიის წევრები მომხდარს პოლიტიკურ ზეწოლად აფასებენ და პასუხისმგებლობას ,,ქართულ ოცნებას" აკისრებენ. ისინი სამართალდამცავი ორგანოებისგან ფაქტის გამოძიებას ითხოვენ.
მმართველი გუნდის ადგილობრივი წარმომადგენლები მომხდარზე კომენტარს არ აკეთებენ.
შეგახსენებთ, ოფისის დარბევა ორი დღის წინათაც მოხდა – 20 ოქტომბერს დილით ,,ერთიანი ნაციონალური მოძრაობის" ოფისში მისულ წევრებს, ფასადი კვერცხებითა და საღებავებით დასვრილი დახვდათ.
ნაციონალური მოძრაობის ოფისები დარბეულია სულ 7 ქალაქში.