ინფორმაცია იმის შესახებ, რომ რუსეთის შეიარაღებულმა ძალებმა უკრაინა-ბელორუსის საზღვართან და უშუალოდ ბელორუსში მობილური კრემატორიუმები გადაისროლეს, ჯერ კიდევ ომის დაწყებამდე გავრცელდა.
ვიდეო რუსული მობილური კრემატორიუმის შესახებ The Telegraph-მა გამოაქვეყნა.
გავრცელებული ინფორმაციით, რუსეთის სამხედრო ვერტიკალი მობილურ კრემატორიუმებს ომის მსხვერპლ სამხედროთა ნამდვილი რიცხვის დასამალად იყენებს.
უკრაინელი სამხედრო ბლოგერებისა და რეპორტიორების ინფორმაციით, მოკლულ ჯარისკაცთა ცხედრების ნაწილი პროზექტურებში (ტვირთი Груз200) გადააქვთ, გვამების უმრავლესობას კი პირდაპირ მობილურ კრემატორიუმში წვავენ.
ჯანკოის, კრასნოპერეკოპსკის, არმიანსკის პროზექტურები რუსეთის მიერ ოკუპირებულ ყირიმის ნახევარკუნძულზე გადავსებულია, Груз200-ით სავსე ავტომობილები მორგებთან რიგში დგებიან და დაცლას საათობით ელოდებიან, მათი ნაწილი კი პირდაპირ სიმფეროპოლისკენ მიემართება – ეს ინფორმაცია ჯერ კიდევ 27 თებერვალს უკრაინის შს მინისტრის მრჩეველმა ანტონ გერაშენკომ გამოაქვეყნა.