ფრაქცია “ერთიანი ნაციონალური მოძრაობის” წევრებმა საკრებულოს სხდომა მას შემდეგ დატოვეს, რაც მათ უკრაინის დროშა მაგიდაზე გადაფინეს და ააჟღერეს უკრაინის ეროვნული ჰიმნი. მათი თქმით, დღეს, როცა უკრაინაში ომია, არ შეიძლებ ვინმეს სამუშაო განწყობა ქონდეს. “ქართულმა ოცნებამ” ოპოზიციური პარტიები კი იმის გამო გააკრიტიკა, რომ მათ დღეს სხდომაზე ხელისუფლების პოზიცია უკრაინაში მიმდინარე მოვლენებთან დაკავშირებით ამორალურად შეაფასეს.
დღეს უკრაინის პრეზიდენტმა ვოლოდიმირ ზელენსკიმ საქართველოდან ელჩი გაიწვია.ზელენსკი ამბობს, რომ საქართველოს რუსეთის წინააღმდეგ სანქციებთან დაკავშირებით ამორალური პოზიცია ჰქონდა.
გარდა ამისა, მისივე თქმით, საქართველომ მოხალისე ჯარისკაცებს უკრაინაში გასამგზავრებლად დაბრკოლებები შეუქმნა. ამ მიზეზების გამო ზელენსკიმ ქვეყნიდან ელჩი გაიწვია.
საქართველოს პრემიერმინისტრმა ირაკლი ღარიბაშვილმა თქვა – “მკაფიოდ ვაცხადებ, საქართველო არ აპირებს, მონაწილეობა მიიღოს სანქციებში”. ღარიბაშვილის გადადგომის მოთხოვნით აქცია გაიმართა თბილისში. საპროტესტო აქციებს რეგიონებიც უერთდებიან.