თავდაცვის სამინისტროს ინფორმაციით, თერჯოლაში, სადაც ხანძრის რამდენიმე კერაა, აუფეთქებელი ჭურვებია

თავდაცვის სამინისტროს ინფორმაციით, თერჯოლის მუნიციპალიტეტის სოფელ სიმონეთის სასროლეთის ტერიტორიაზე, სადაც ხანძრის რამდენიმე კერაა, აუფეთქებელი ჭურვებია. ”გიდასტურებთ ინფორმაციას, რომ სიმონეთის სასროლეთის ბაზაზე არის ხანძარი. ეს არის ტერიტორიაზე, სადაც მუდმივად დისლოცირებული სამხედრო მოსამსახურეები არ არიან. სამხედროები ამ ტერიტორიით მხოლოდ სამხედრო სწავლებების დროს სარგებლობენ. ტერიტორიაზე შესვლა რიგითი მოქალაქეებისა და ადგილობრივებისთვის აკრძალულია. დახურული ტერიტორიაა. ტერიტორიაზე მრავლადაა აუფეთქებელი ჭურვები, რის გამოც მაშველების შესვლა და სალიკვიდაციო სამუშაოები რთულდება. ახლა მიმდინარეობს ტერიტორიის მონიტორინგი”, – აცხადებენ თავდაცვის სამინისტროში. თავდაცვის სამინისტროს ადმინისტრაციის უფროსის მოვალეობის შემსრულებელი, ნინო თოლორდავა ამბობს, რომ ამ დროისთვის ხანძარი ლოკალიზებული არ არის.”ხანძრის გამომწვევ მიზეზებზე ინფორმაცია არ გვაქვს. მიმდინარეობს მოკვლევა და დეტალები მოკვლევის დასრულების შემდეგ გახდება ცნობილი. ჯერჯერობით ხანძარი ლოკალიზებული არ არის, თუმცა მცირე კერებია, 6 კერა. როგორც კი ლოკალიზება მოხდება, ტერიტორიაზე შევალთ”, – განაცხადა თოლორდავამ.

თავდაცვის სამინისტროს ინფორმაციით, თერჯოლაში, სადაც ხანძრის რამდენიმე კერაა, აუფეთქებელი ჭურვებია

სიახლეები

ეროვნული ბანკის მმართველო საბჭოს წევრის, ნანა ყეინიშვილის წინააღმდეგ ახალი გამოძიება დაიწყო

ევროპარლამენტმა საქართველოს შესახებ კრიტიკული რეზოლუცია მიიღო

სეს-მა დიდუბის მეტროსთან მდებარე რამდენიმე საზოგადოებრივ კვების ობიექტს საწარმოო პროცესი შეუჩერა

პროპაგანდისტულმა „იმედმა“, „რუსთავი 2“-მა, POSTV-იმ და „მაესტრომ“ 2025 წელი ჯამში, 75.97 მილიონი ლარის ზარალით დაასრულეს