პრემიერ-მინისტრ ირაკლი ღარიბაშვილის გადადგომის მოთხოვნით ზუგდიდში აქცია გაიმართა. აქცია საქართველოს მასშტაბით მას შემდეგ დაიგეგმა, რაც დღეს პრემიერ-მინისტრმა ღარიბაშვილმა მთავრობის სხდომაზე განაცხადა, რომ ,,კიევი იბომბება და სანქციები არ ამართლებს“. აქციის მონაწილეების თქმით, წარმოდგენილი რიტორიკა არის იმ პროპაგანდისტული პოლიტიკის გაგრძელება, რასაც პუტინის რუსეთი ცდილობს თავს მოახვიოს დანარჩენ სამყაროს.“
სამოქალაქო აქტივისტებისა და პოლიტიკური პარტიების წარმომადგენლების გარდა აქციაზე ახალგაზრდების ჯგუფიც იმყოფებოდა, რომლებიც, მათივე თქმით, ადგილზე უკრაინელი თანატოლებისადმი სოლოდარობის გამოსახატავად მოვიდნენ.
დაანონსებულ საპროტესტო აქციას ცენტრალურ ბულვარში ზუგდიდში მყოფი უკრაინელებიც შეუერთდნენ და უკრაინის ჰიმნი შეასრულეს. აქციაზე უკრაინისა და საქართველოს დროშები, ტრანსპარანტები და სიმბოლურ ფერებიანი ბუშტები ააფრიალეს და ამით კიდევ ერთხელ გამოხატეს მხარდაჭერა უკრაინელიბ ხალხის მიმართ