უკრაინის ზღვისპირა ქალაქ მარიუპოლში, რომელიც, სტრატეგიული მდებარეობის გამო, ჯერ კიდევ ყირიმის ნახევარკუნძულის ოკუპაციის შემდეგ წარმოადგენს რუსული მხარის განსაკუთრებული დაინტერესების ობიექტს, ექიმებმა ვერ გადაარჩინეს ბავშვი, რომელიც ქალაქის დაბომბვის დროს დაიჭრა.
კადრებში ჩანს, როგორ ცდილობენ სასწრაფო დახმარების მანქანაში ექიმები უგონოდ მყოფი გოგონას გულის ამუშავებას, შემდეგ კი რეანიმაციის განყოფილებაში გადაჰყავთ.