უკრაინის პრეზიდენტმა ვოლოდიმირ ზელენსკიმ რუსული აგრესიის წინააღმდეგ ახალი სპეცოპერაციების გეგმა დაამტკიცა. „მოხსენება რუსული აგრესიის წინააღმდეგ ჩვენი ოპერაციების შესახებ. უკრაინის უსაფრთხოების სამსახურს კარგი შედეგები აქვს და დღეს მე ახალი ოპერაციები დავამტკიცე.
ოლექსანდრ პოკლადმა მომახსენა უკრაინის უსაფრთხოების სამსახურის პრიორიტეტების შესახებ აგვისტოს თვეში. ასევე შევუთანხმე უსაფრთხოების სამსახურის ხელმძღვანელს შემდგომი ნაბიჯები უწყების შიდა სტრუქტურის იმ პირებისგან გასაწმენდად, რომლებიც საკუთარ თავზე მუშაობენ და არა უკრაინაზე.
მადლობას ვუხდი ყველას SBU-ში, ვინც ნამდვილად იცავს ჩვენს სახელმწიფოსა და ხალხს! დიდება უკრაინას!“ – ნათქვამია ვოლოდიმირ ზელენსკის მიერ გავრცელებულ ინფორმაციაში. ივნისის ბოლოს ზელენსკის მიერ დამტკიცებული ყველაზე მასშტაბური და სტრატეგიული გეგმა იყო SBU-ს 40-დღიანი ზეწოლის ოპერაცია რუსეთის წინააღმდეგ. ოპერაციის ძირითადი მიზნები იყო რუსეთისა და მის მიერ ოკუპირებული ტერიტორიების ეკონომიკური და ენერგეტიკული ბლოკადა სამხედრო და ენერგეტიკული ობიექტების განადგურების გზით.