მთავარისიახლეები2024 წელს სამტრედიაში მელიაზე თავდასხმის ფაქტზე გამოძიება განახლდა

2024 წელს სამტრედიაში მელიაზე თავდასხმის ფაქტზე გამოძიება განახლდა

Published on

თითქმის ორი წლის შემდეგ, გამოძიება განახლდა კოალიცია ცვლილებისთვის ერთ-ერთ ლიდერზე ნიკა მელიაზე სამტრედიაში 2024 წლის 11 აგვისტოს მომხდარ თავდასხმის საქმესთან დაკავშირებით.

მელიას ადვოკატის, ბექა კვინიკაძის განცხადებით, თავდაპირველად გამოძიება ძალადობის მუხლით დაიწყო, თუმცა ახლა გადაკვალიფიცირდა და წინასაარჩევნო აგიტაციის ან წინასაარჩევნო კამპანიის ღონისძიების დროს ცემის ან სხვაგვარი ძალადობის მუხლით მიმდინარეობს.

“როგორც გამომძიებელმა მითხრა, პროკურატურამ გადააკვალიფიცირა მუხლი და ახლა გამოძიება მიმდინარეობს სისხლის სამართლის კოდექსის 162-ე პრიმა მუხლის პირველი ნაწილით, რაც ნიშნავს, რომ წინასაარჩევნო კამპანიის დროს ადგილი ჰქონდა ძალადობით ხელის შეშლას. ასევე გამომძიებელმა მითხრა, რომ ეს პირი, ვინც უშუალოდ დანაშაული ჩაიდინა, ჰყავთ იდენტიფიცირებული, მათ შორის გამოკითხული და ახლა მიმდინარეობს იქ მყოფი პირების, მოწმეების გამოკითხვა და ალბათ, ლოგიკური დასასრული უნდა ჰქონდეს ამ გამოძიებას. […]

მუხლი, რომლითაც ახლა გამოძიება მიმდინარეობს, 2 წლამდე თავისუფლების აღკვეთას ითვალისწინებს. რადგან ყველანაირი, მათ შორის, ვიდეომტკიცებულებები არსებობს, რომ ეს ადამიანი ნამდვილად ჩადის ამ ქმედებას, რაზეც გამოძიება მიმდინარეობს, ლოგიკური დასასრულია, რომ დადგეს ამ ადამიანის პასუხისმგებლობის საკითხი. […]

როგორც გამომძიებელმა მითხრა, თავდამსხმელი გამოკითხვის დროს აღიარებს ჩადენილ ქმედებას, ამბობს, რომ მან ჩაიდინა პოლიტიკური ნიშნით ეს დანაშაული და ამბობს, რომ თითქოს იქ მასზეც განხორციელდა ძალადობა – სცემეს, მაგრამ რაიმე დაზიანება, ძალადობის კვალი მას არ აღენიშნება. […] სამართლებრივად, რომ აქეთ მხარეს რომელიმე აქტივისტი, მხარდამჭერი მიეცეს პასუხისგებაში, ამის სამართლებრივი საფუძველი არ არსებობს, მაგრამ გამორიცხული, რა თქმა უნდა, არაფერი არ არის”. – განაცხადა ადვოკატმა TV პირველთან.

როგორც უფლებადამცველი ამბობს, გამომძიებლის განცხადებით, პროცესის ხელოვნურად გაჭიანურება არ მომხდარა, ისინი ამოცნობის ექსპერტიზის შედეგებს ელოდებოდნენ.

ადვოკატის ინფორმაციითვე, საქმესთან დაკავშირებით პენიტენციურ დაწესებულებაში გამოიკითხა ნიკა მელიაც.

ცნობისთვის, 2024 წლის 11 აგვისტოს, სამტრედიაში კოალიცია ცვლილებისთვის ოფისის გახსნის შემდეგ პარტია ახალის ერთ-ერთი ლიდერი ნიკა მელია მედიის შეკითხვებს პასუხობდა, როდესაც მას ე.წ ტიტუშკა თავს დაესხა და ჩაარტყა.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...