ბელარუსმა ივნისში ავტობენზინისა და დიზელის საწვავის სარკინიგზო მიწოდება რეკორდულ დონემდე გაზარდა რუსეთის ბაზარზე ნავთობპროდუქტების დეფიციტის ფონზე – ამის შესახებ Reuters წერს.მანამდე ბელარუსმა, რომელსაც წლიური 24 მილიონი ტონის საერთო ნომინალური სიმძლავრის მქონე ორი ნავთობგადამამუშავებელი ქარხანა აქვს, განაცხადა, რომ მზად არის ნაწილობრივ აანაზღაუროს რუსული საწარმოევის სიმძლავრეები, რომლებიც უკრაინული დრონების თავდასხმების გამო დაიკარგა.ივნისში ბელარუსული ნავთობგადამამუშავებელი ქარხნებიდან რუსეთის შიდა ბაზარზე ბენზინის სარკინიგზო მიწოდების მოცულობამ 181 ათას ტონას გადააჭარბა. ეს მაისის მაჩვენებელზე სამჯერ მეტია. დიზელის საწვავის გადაზიდვა 1,5-ჯერ გაიზარდა – 77 ათას ტონაზე მეტამდე.
გარდა ამისა, ბელარუსუმა ივნისში რუსეთის ბაზარზე 16 ათას ტონაზე მეტი საავიაციო საწვავი გაგზავნა. საერთო ჯამში, 2026 წლის დასაწყისიდან ბელარუსიდან რუსეთის ბაზრისთვის ბენზინის სარკინიგზო მიწოდება 20-ჯერ გაიზარდა 2025 წლის იანვარ-ივნისთან შედარებით და 453 ათას ტონას გადააჭარბა. დიზელის საწვავის მიწოდება კი თითქმის ხუთჯერ გაიზარდა – 256 ათას ტონამდე