ევროკავშირი სომხეთისთვის სავაჭრო შეღავათებს ამზადებს, რათა დაეხმაროს რუსული იმპორტის შეზღუდვების კომპენსირებაში – ინფორმაციას Financial Times წყაროების განცხადებაზე დაყრდნობით ავრცელებს და წერს, რომ ეს ნაბიჯი მას შემდეგ გადაიდგა, რაც ბრიუსელი და მოსკოვი ერთმანეთს სამხრეთ კავკასიის ამ რესპუბლიკის მომავალზე გავლენის მოპოვებაში ეცილებიან.გამოცემა წერს, რომ ევროკომისია ამზადებს ე.წ. ავტონომიურ სავაჭრო ღონისძიებებს, რომლებიც შეამცირებს ტარიფებს სომხურ კვების პროდუქტებსა და სასოფლო-სამეურნეო ექსპორტზე. წყაროების ცნობით, ეს ინიციატივა პასუხია სომხეთის ბოლო არჩევნებამდე რუსეთის მიერ დაწესებულ იმპორტის შეზღუდვებზე, რაც ბრიუსელის აზრით, მიზნად ისახავდა ქვეყნის პროდასავლურ მთავრობაზე ზეწოლას.Financial Times-ის ცნობით, ეს ზომები, რომლებსაც წევრი ქვეყნების უმრავლესობისა და ევროპარლამენტის თანხმობა სჭირდება, დაფარავს რუსული აკრძალვების სამიზნე დაახლოებით 20 პროდუქტის კატეგორიის უდიდეს ნაწილს, რომელთა ღირებულებაც წელიწადში დაახლოებით 420 მილიონ ევროს შეადგენს.