რუსთავში, თაღლითობის ბრალდებით, ერთ-ერთი ავტოსადილერო კომპანიის დირექტორი დააკავეს.
შინაგან საქმეთა სამინისტროს განცხადებით, გამოძიებით დადგინდა, რომ ბრალდებულმა, საზღვარგარეთიდან 43 ავტომობილის ჩამოყვანის სანაცვლოდ, უცხო ქვეყნის მოქალაქის მიერ გადახდილი 374 000 დოლარი თაღლითურად მიისაკუთრა და ვალდებულება არ შეასრულა.
“პოლიციამ ჩატარებული საგამოძიებო მოქმედებების შედეგად, დანაშაულის ჩამდენი პირი – ერთ-ერთი ავტოსადილერო კომპანიის დირექტორი ბრალდებულის სახით დააკავა”. – წერია შსს-ს განცხადებაში.
გამოძიება სისხლის სამართლის კოდექსის 180-ე მუხლის (თაღლითობა) მე-3 ნაწილის „ბ“ ქვეპუნქტით მიმდინარეობს, რაც 9 წლამდე ვადით თავისუფლების აღკვეთას ითვალისწინებს.