მთავარისიახლეებიმსოფლიოСБУ-მ დააკავა პირი, რომელიც 9 მაისს რუსი მაღალჩინოსნის მკვლელობას გეგმავდა

СБУ-მ დააკავა პირი, რომელიც 9 მაისს რუსი მაღალჩინოსნის მკვლელობას გეგმავდა

Published on

უკრაინის უსაფრთხოების სამსახურის (СБУ) ინფორმაციით, ოდესაში რუსეთის აგენტი დააკავეს, რომელიც 9 მაისს უკრაინის შეიარაღებული ძალების (ВСУ) საზღვაო-სამხედრო ძალების სამხედრო მაღალჩინოსანის მკვლელობას გეგმავდა. 

როგორც СБУ წერს, მაღალჩინოსნის მკვლელობა 9 მაისს იგეგმებოდა, რათა 9 მაისის აღლუმისთვის კრემლისთვის სასარგებლო ფონი შექმნილიყო. 

გამოძიების მიხედვით, თავდამსხმელი უკრაინელი სამხედროს სახლთან ჩასაფრებას და ავტომატური ცეცხლსასროლი იარაღით მის მოკვლას აპირებდა. 

როგორც СБУ იტყობინება, სამსახურის კონტრდაზვერვის თანამშრომლებმა და სპეცრაზმმა ოპერაცია ჩაშალეს და ბრალდებული 8 მაისს დააკავეს.

СБУ-ს ცნობით, ბრალდებული პირი მოქალაქის მიერ მიწოდებული ინფორმაციის დახმარებით დააკავეს – ის სამსახურის ცხელ ხაზს დაუკავშირდა და საეჭვო პიროვნების შესახებ შეატყობინა. 

გამოძიების მასალების თანახმად, საქმის ფიგურანტი დონეცკის ოლქში დაბადებული რეციდივისტია, რომელიც მანამდე განზრახ მკვლელობისთვის იყო დაპატიმრებული. 

СБУ-ს მიხედვით, რუსული სპეცსამსახურების მიერ გადაბირების შემდეგ ბრალდებული ოდესაში ჩავიდა, ბინა იქირავა და მკვლელობისთვის ემზადებოდა – თავდაპირველად სამხედრო მაღალჩინოსნის სახლი დაზვერა, შემდგომ კი ჩასაფრებისთვის ადგილი შეარჩია. 

როგორც უკრაინის უსაფრთხოების სამსახური აცხადებს, აგენტმა ცეცხლსასროლი იარაღი, AK-47 რუსი კურატორისგან მიღებულ ლოკაციაზე შენახული საცავიდან აიღო. ჩხრეკის დროს ბრალდებულს აღმოუჩინეს ავტომატური ცეცხლსასროლი იარაღი და მობილური ტელეფონი, რომლითაც რუსულ სპეცსამსახურებთან ჰქონდა კომუნიკაცია. 

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...