მოვა მაისი და ვნახავთ – ასე პასუხობს შალვა პაპუაშვილი აშშ-სთან ურთიერთობების გადატვირთვასთან დაკავშირებით დასმული შეკითხვის პასუხად.
მაისის ბოლომდე კონკრეტულ შედეგებს იხილავთ – ირაკლი კობახიძე
პაპუაშვილის თქმით, აშშ-ს სახელმწიფო მდივანსა და კობახიძის სატელეფონო საუბარმა დაადასტურა, რომ ორივე მხრიდან სურვილი არსებობს, რომ ურთიერთობა გადაიტვირთოს.
მთავარი არის ერთი რამ, მას შემდეგ რაც შედგა საუბარი საქართველოს პრემიერმინისტრსა და აშშ-ს სახელმწიფო მდივანს შორის, ამ საუბარში მთავარი რამ გამოითქვა და მთავარ საკითხზე შეთანხმდნენ, რომ არის ორივე მხრიდან სურვილი, რომ ურთიერთობა გადაიტვირთოს.
ჩვენი მხრიდან ითქვა, რა არის კრიტერიუმი ჩვენთვის, როდის შეგვიძლია ვთქვათ – კი, ნამდვილად მოხდა ურთიერთობების გადატვირთვა, ჩვენი მთავარი კრიტერიუმია ახალი სტრატეგიული პარტნიორობის ჩამოყალიბება. […]
ვნახოთ, მთავარია, რომ მოწადინება არის, ჩვენი მხრიდან არაერთხელ ითქვა, რომ ის რომ საქართველო-ამერიკის ურთიერთობები არის ამ მიუღებელ დონეზე, ამაში სრულად არის წინა ადმინისტრაციის ბრალეულობა, საქართველოს აქ თავისი წილი არ მიუძღვის. […]
ვნახოთ, რა და როგორ იქნება ამას ყველაფერს შევხედავთ. კიდევ ერთხელ, მოვა მაისი და ყველაფერი გაირკვევა”- თქვა მან.