რუსულმა ძალებმა წუხელ ოდესაზე დრონების გამოყენებით თავდასხმა განახორციელეს, რის შედეგადაც, სულ მცირე, 13 ადამიანი დაშავდა, – ინფორმაციას უკრაინული მედია ავრცელებს.
მათივე ინფორმაციით, თავდასხმის შედეგად დაზიანდა სახლები, სასტუმრო და ავტომობილები.
„მტერმა ოდესაზე დრონებით მასშტაბური თავდასხმა განახორციელა. ქალაქის სხვადასხვა ნაწილში საცხოვრებელი შენობები და სამოქალაქო ობიექტები დაბომბეს. წინასწარი ინფორმაციით, 13 ადამიანი დაშავდა“, – განაცხადა ოდესის საქალაქო-სამხედრო ადმინისტრაციის ხელმძღვანელმა სერგეი ლისაკმა.
მისი ინფორმაციით, საცხოვრებელი შენობების გარდა, დაზიანდა სასტუმროს შენობა და ახლომდებარე ავტომობილები.