მთავარისიახლეებიტრამპი- რუსეთსა და უკრაინას შეთანხმების მიღწევა შეუძლიათ

ტრამპი- რუსეთსა და უკრაინას შეთანხმების მიღწევა შეუძლიათ

Published on

აშშ-ის პრეზიდენტმა, დონალდ ტრამპმა, განაცხადა, რომ რუსეთსა და უკრაინას შორის შეთანხმების მიღწევა კვლავ შესაძლებელია და მხარეებმა კონფლიქტის დასრულების შესაძლებლობა უნდა გამოიყენონ. ამის შესახებ მან RFE/RL-ის ჟურნალისტის, ალექს რაუფოღლუს შეკითხვის საპასუხოდ, უკრაინაზე რუსეთის მასირებული თავდასხმის კომენტირებისას აღნიშნა.

ტრამპის თქმით, „უკრაინა წინ მიიწევს“ და მას სურს, რომ მხარეებმა შეთანხმებას მიაღწიონ. მისი შეფასებით, მიუხედავად იმისა, რომ ომი შესაძლოა გაგრძელდეს, შეთანხმების მიღწევა ჯერ კიდევ რეალურია.

„უგუნური იქნებოდა ამის არგაკეთება… ჩვენ ახლოს ვართ შეთანხმებასთან,“ — განაცხადა მან.

ამასთან, ტრამპმა კიდევ ერთხელ აღნიშნა, რომ ომი არ დაიწყებოდა, თავად რომ ყოფილიყო ხელისუფლებაში.

ამ ფონზე, უკრაინაზე განხორციელებულმა მასირებულმა იერიშმა, რომლის დროსაც ქვეყნის სხვადასხვა ქალაქებზე 700-ზე მეტი დრონი და რაკეტა რამდენიმე ტალღად იქნა გაშვებული, სულ მცირე 18 ადამიანის სიცოცხლე იმსხვერპლა. ოფიციალური ინფორმაციით, ოდესაში 9 ადამიანი დაიღუპა, დნიპროში — 5, ხოლო კიევში — 4, მათ შორის ერთი ბავშვი.

აშშ-ის ყოფილი სახელმწიფო მდივნის მოადგილის, ევროპისა და ევრაზიის საკითხებში, დენ ფრიდის შეფასებით, აღნიშნული დარტყმები მიუთითებს, რომ რუსეთი მშვიდობიანი მოსახლეობის დაშინებას ცდილობს, რადგან ვერ ახერხებს უკრაინის სამხედრო წინააღმდეგობის გატეხვას. მისი თქმით, რუსეთს არ აქვს წარმატება არც საბრძოლო ველზე და არც უკრაინის სტრატეგიული ობიექტების წინააღმდეგ, მაშინ როდესაც უკრაინა, მისივე შეფასებით, ეფექტურად უტევს რუსეთის მნიშვნელოვან სამიზნეებს.

ფრიდის განცხადებით, მსგავსი თავდასხმები კიდევ ერთხელ ადასტურებს, რომ რუსეთი ომში უპირატესობას ვერ აღწევს და სამიზნედ მშვიდობიან მოსახლეობას იყენებს.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...