მთავარისიახლეებისაზოგადოებარუსეთი საქართველოს გაზის და ნავთობპროდუქტების მიწოდების შეწყვეტით ემუქრება, თუ ქვეყანა ევროკავშირში გაწევრიანდება

რუსეთი საქართველოს გაზის და ნავთობპროდუქტების მიწოდების შეწყვეტით ემუქრება, თუ ქვეყანა ევროკავშირში გაწევრიანდება

Published on

რუსეთიდან გაჟღერებულ მუქარაზე ივანიშვილის გუნდში პირველი კომენტარი კეთდება – ალუდა ღუდუშაური ირწმუნება, რომ ვერანაირი მარია ზახაროვას და ჩრდილოელი ოკუპანტის წარმომადგენლის განცხადება ვერ იქნება სისრულეში მოყვანილი.

ჩვენ არაერთხელ გვითქვამს, რომ ჩვენ ვმოქმედებთ პრაგმატულად – განაცხადა ღუდუშაურმა.

როგორც “ოცნების” დეპუტატმა დღეს ტელეკამერების წინ თქვა, ის ვერანაირ სხვაობას ვერ ხედავს “ზახაროვასა და იმ პირებს შორის, ვისთვისაც ქვეყანა სულერთია”.

ვერასდროს ვერანაირი ზახაროვას და ვერანაირი სხვა მხარის წარმომადგენლის განცხადება, რომელსაც აქვს ჩვენი ქვეყნის ტერიტორიები ოკუპირებული, ვერ იქნება დასრულებული და ვერ იქნება სისრულეში მოყვანილი.

იქამდე, სანამ ერთი ქართველი მაინც არსებობს, რომლისთვისაც ჩვენი ქვეყნის სუვერენიტეტი, ისტორია და მომავალი არის საინტერესო და ღირებული, ვერასოდეს სისრულეში ვერ იქნება მოყვანილი. ქართველი ხალხი ჯიუტად იცავს თავის ინტერესს. ჩვენ შეიძლება ცოტანი ვართ, მაგრამ ქართველები ვართ და ღირსებით სავსე ერი ვართ. ვერანაირი, ჩრდილოელი ოკუპანტის წარმომადგენლის განცხადება ვერანაირ გავლენას ვერ იქონიებს ვერც ჩვენს წინაპრებზე, ვერც ჩვენზე და ვერც ჩვენს მომავალზე.

ჩვენ არაერთხელ გვითქვამს, რომ ჩვენ ვმოქმედებთ პრაგმატულად. ხშირ შემთხვევაში როდესაც ჩვენ ვსაუბრობთ, რომ გარედან დაკვეთით უსამშობლო სუბიექტები მოქმედებენ, ვერანაირ სხვაობას ვერ ვხედავ ზახაროვასა და იმ პირებს შორის, ვისთვისაც ქვეყანა სულერთია.

ჩვენ ვმოქმედებთ პრაგმატულად და თუ ვინმეს სიტყვა ან ქმედება პრაგმატულობა ერევა სხვა რაიმეში, მინდა ყველას ვუთხრა, რომ ნათლად და მკაფიოდ შეიძლება ამ სიტყვის ეტიმოლოგია ნახონ. თუ ამასაც ვერ შეძლებენ, მაშინ ნახონ ის ნაბიჯები, რასაც ჩვენ ვდგამთ”, – განაცხადა ალუდა ღუდუშაურმა.

რუსეთი საქართველოს გაზის და ნავთობპროდუქტების მიწოდების შეწყვეტით ემუქრება, თუ ქვეყანა ევროკავშირში გაწევრიანდება.

ამის შესახებ რუსეთის საგარეო საქმეთა სამინისტროს სპიკერმა, მარია ზახაროვამ განაცხადა.

მისი თქმით, ბრიუსელის მოთხოვნების შესრულებამ შესაძლოა უარყოფითად იმოქმედოს საქართველოს ტურიზმის ინდუსტრიაზე და გაართულოს ორ ქვეყანაში მცხოვრებ ახლობლებს შორის კონტაქტები.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...