ირანის ახალი უზენაესი ლიდერი, მოჯთაბა ხამენეი უგონო მდგომარეობაშია და მას ქალაქ ყუმში მკურნალობენ, – ინფორმაციას გამოცემა The Times ავრცელებს და წერს, რომ ამის შესახებ დიპლომატიურ ჩანაწერშია აღნიშნული, რომელიც, სავარაუდოდ, აშშ-სა და ისრაელის სადაზვერვო მონაცემებს ეფუძნება და სპარსეთის ყურის მოკავშირეებს გაუზიარეს:
„მოჯთაბა ხამენეი ყუმში მძიმე მდგომარეობაში მკურნალობს და რეჟიმის რაიმე გადაწყვეტილების მიღებაში მონაწილეობა არ შეუძლია”, – ნათქვამია დოკუმენტში
უზენაეს ლიდერად დანიშვნის შემდეგ, მოჯთაბა ხამენეი საჯაროდ არ გამოჩენილა. აიათოლა ალი ხამენეის ლიკვიდირების დღესვე გავრცელდა ინფორმაცია, რომ თავდასხმის შედეგად მოჯთაბა ხამენეიც დაშავდა. მოგვიანებით ეს ინფორმაცია დაადასტურეს ირანელმა და ამერიკელმა მაღალჩინოსნებმაც