იევი აღდგომის პერიოდში ცეცხლის შეწყვეტისთვის მზადაა, თუ ამას რუსეთიც გააკეთებს , – ამის შესახებ უკრაინის პრეზიდენტმა განაცხადა.
ჩვენ მზად ვართ ცეცხლის შეწყვეტისთვის აღდგომის დღესასწაულზე, ჩემი თვალსაზრისით, გულწრფელად რომ ვთქვათ, ნორმალური ადამიანები, რომლებიც პატივისცემით ეკიდებიან სიცოცხლეს, საუბრობენ არა რამდენიმე დღით, არამედ სამუდამოდ ცეცხლის შეწყვეტაზე, მაგრამ ჩვენ, რა თქმა უნდა, მზად ვართ ნებისმიერი კომპრომისებისთვის, გარდა ჩვენს ღირსებასთან და სუვერენიტეტთან დაკავშირებული კომპრომისებისა,- განაცხადა ზელენსკიმ.
მან ხაზგასმით აღნიშნა, რომ უკრაინა მხარს უჭერს ცეცხლის შეწყვეტისა და ომის ზოგადი დასრულების ნებისმიერ ფორმატს, “იმ პირობით, რომ არ დაკარგოთ სახელმწიფოს ღირსება და დამოუკიდებლობა“.
„ჩვენ მზად ვართ განვიხილოთ ნებისმიერი სახის ცეცხლის შეწყვეტა. სრული ცეცხლის შეწყვეტა… ცეცხლის შეწყვეტა ენერგეტიკის სექტორში. ცეცხლის შეწყვეტა სურსათის უვნებლობისა და ენერგეტიკის სფეროში, ანუ ზღვასა და ჰაერში. სრული ცეცხლის შეწყვეტა – რაკეტებისა და დრონების გარეშე. ინფრასტრუქტურაზე დარტყმების გარეშე. ჩვენ ეს ყველაფერი შევთავაზეთ. და ჩვენ ღია ვართ. თუ „რუსები“ მზად არიან, ჩვენც მზად ვართ. დაე, შემოგვთავაზონ ნებისმიერი ვადა – ჩვენ მზად ვართ ამ საკითხის გადასაჭრელად“, – განაცხადა ზელენსკიმ.