გიგა ავალიანის მკვლელობის საქმეზე კიდევ ერთი პირი დააკავეს – ამის შესახებ ინფორმაციას სოციალურ ქსელში მოკლული მასწავლებლის დედა, ეკა კუპატაძე ავრცელებს.
შვილმოკლული დედის ცნობით, შეცვლილი ჩვენებისთვის დაკავებულია ლუკა კლადკინი.
წუხელ დაიჭირეს კიდევ ერთი!!!!
დაიჭირეს ლუკა კლადკინი, სასამართლო პროცესზე ჩვენების შეცვლისთვის!!!!
ამ იდიოტებს ჰგონიათ, რომ გიგას მკვლელობა, თამაშია!
ყველა დამნაშავე ციხეშიიიიიი!!!
მძიმე დღე მქონდა გუშინ, ამიტომ ვერ მოგაწოდეთ ინფორმაცია.
რამდენიმე დღეში გაბაშვილის და რიკაძის განაჩენი დადგება ორივე ბრალზე და ჩიქოვანისა კი, დიღმის ჩხუბების ბრალზე. დარწმუნებული ვარ, განაჩენი იქნება გამამტყუნებელი, მაქსიმალური სასჯელით!!!!
დეტალებზე ინფორმაციას მოგაწოდებთ დღის ბოლოს!”- წერს ეკა კუპატაძე.
საჯაროდ გავრცელებული ცნობების თანახმად, 2025 წლის პირველ ოქტომბერს, ღამით, 22:20 საათზე თბილისში, თემქის დასახლებაში მასწავლებელს ორი არასრულწლოვანი აედევნა. ისინი გიგა ავალიანს სახლამდე გაჰყვნენ, სადარბაზოში შესვლამდე თავს დაესხნენ, ერთ-ერთი ამ სცენას ტელეფონით იღებდა. ახალგაზრდა 24 ოქტომბერს გონზე მოუსვლელად გარდაიცვალა.