ნარკოდანაშაულთან დაკავშირებით სტამბოლში მიმდინარე ფართომასშტაბიანი გამოძიების ფარგლებში, თურქული სერიალების ვარსკვლავის, ჰანდე ერჩელის დაკავების ორდერი გაიცა – ინფორმაცია თურქულ მედიაში გავრცელდა.
აღნიშნულს, ეხმაურება თავად მსახიობი, რომლის თქმითაც, ამჟამად თურქეთში არ იმყოფება და სჯერა, რომ ყველაფერი გაირკვევა.
„განათლების მიღების მიზნით, დაახლოებით ერთი თვეა, საზღვარგარეთ ვიმყოფები.
თქვენს მსგავსად, გუშინ საღამოს, მეც პრესიდან შევიტყვე ამ საკითხთან დაკავშირებით გავრცელებული ინფორმაცია.
როგორც კი ჩემს ქვეყანაში დავბრუნდები, ოფიციალურ განცხადებას გავაკეთებ.
მე ვარ ადამიანი, რომელსაც უყვარს თავისი ქვეყანა, ენდობა საკუთარ სახელმწიფოს და აქვს თურქული სამართლის მიმართ რწმენა.
მჯერა, რომ სიტუაცია უმოკლეს დროში გაირკვევა”, – წერს ჰანდე ერჩელი სოციალურ ქსელში.
თურქეთში ამავე საქმეზე დაკავების ორდერი ჯამში 16 პირზე გაიცა, ხოლო დაკავებულები არიან საფეხბურთო კლუბ ,,ბეშიქთაშის” ყოფილი პრეზიდენტი, ფიკრეტ ორმანი, ,,გალათასარაის” ყოფილი პრეზიდენტი ბურაკ ელმასი, ასევე ბიზნესმენები ჰაკან და ქერიმ საბანჯები და სხვები – ჯამში, 14 პირი.