სინოდის წევრებმა სიონში ილია მეორეს საფლავთან პანაშვიდი აღავლინეს. მაღალი იერარქებიდან საპატრიარქო ტაძარში იმყოფებიან მიტროპოლიტი თეოდორე, მიტორპოლიტი გრიგოლი, მეუფე საბა და პროტო-პრესვიტერი მამა გიორგი ზვიადაძე.

ხვალ ილია მეორეს გარდაცვალების მეცხრე დღე და ავტოკეფალიის აღდგენის 109-ე წლისთავია. ორ საათზე მაღალი იერარქები ისევ სიონში აღავლენენ ლოცვას.

რა სათქმელი ექნება მოსაყდრე შიოს მრევლისთვის – ახლა მართლმადიდებლები ამის მოლოდინში არიან.

25 მარტს არის მე-9 დღე, უწმინდესის და უნეტარესის, სრულიად საქართველოს კათოლიკოს პატრიარქის გარდაცვალებიდან, ასევე საქართველოს ეკლესიის ავტოკეფალიის აღდგენის დღე. ამასთან დაკავშირებით საქართველოს პატრიარქის ტახტის მოსაყდრე შიო პარაკლისს გადაიხდის და მსახურება დაიწყება 20:00 საათზე, – თქვა სასულიერო პირმა.

სიონის ტაძარში, პატრიარქის საფლავზე ხალხმრავლობაა. საფლავზე მივიდნენ და პატივი მიაგეს საქართველოს ნაკრების ფეხბურთელებმაც.

მრევლს პატრიარქის საფლავზე პატივის მისაგებად დილიდან საღამოს 22:00 საათამდე შეუძლიათ.