მთავარისიახლეებიმსოფლიოჟენევაში აშშ-უკრაინის დელეგაციების შეხვედრამდე ტრამპმა და ზელენსკიმ ტელეფონით ისაუბრეს

ჟენევაში აშშ-უკრაინის დელეგაციების შეხვედრამდე ტრამპმა და ზელენსკიმ ტელეფონით ისაუბრეს

Published on

25 თებერვალს აშშ-ს პრეზიდენტმა დონალდ ტრამპმა და უკრაინის პრეზიდენტმა ვოლოდიმირ ზელენსკიმ სატელეფონო საუბარი გამართეს, რაც წინ უძღოდა ჟენევაში ორი ქვეყნის დელეგაციებს შორის დაგეგმილ შეხვედრას.

უკრაინის პრეზიდენტის სამსახურის განცხადებით, სატელეფონო საუბარში ასევე მონაწილეობდნენ ტრამპის წარმომადგენლები, სტივ უიტკოფი და ჯარედ კუშნერიც.

ამასთან, ზელენსკიმ ტრამპთან ხაზგასმით აღნიშნა, რომ უკრაინა აფასებს უკრაინისთვის პრიორიტეტულ საჭიროებათა სიის (PURL) ინიციატივის დანერგვას.

“ეს ყველაზე რთული ზამთარია ჩვენი ქვეყნისთვის, მაგრამ ის საჰაერო თავდაცვის სისტემების რაკეტები, რომელთა შესყიდვაც უკრაინას აშშ-სგან შეუძლია, დიდად გვეხმარება ამ გამოწვევებთან გამკლავებასა და ადამიანთა სიცოცხლის დაცვაში.” – წერია პრესრელიზში

განცხადების მიხედვით, ზელენსკიმ და ტრამპმა განიხილეს ის საკითხები, რომლებსაც მათი დელეგაციები ჟენევაში განიხილავენ. ლიდერებმა ასევე ისაუბრეს რუსეთთან შესაძლო სამმხრივი შეხვედრის შესაძლებლობაზეც.

“უკრაინის მოლოდინით, ამ შეხვედრით უნდა შეიქმნას შესაძლებლობა, რომ მოლაპარაკებებმა ლიდერების დონეზე გადაინაცვლოს. პრეზიდენტი ტრამპი ნაბიჯების ამგვარ თანმიმდევრობას ემხრობა”. – წერია უკრაინის პრეზიდენტის სამსახურის მიერ გავრცელებულ განცხადებაში..

ცნობისთვის, დღეს, 26 თებერვალს, შვეიცარიაში უკრაინის ეროვნული უსაფრთხოებისა და თავდაცვის საბჭოს მდივანი, რუსტემ უმეროვი თეთრი სახლის სპეციალურ წარმომადგენელს, სტივ უიტკოფსა და ტრამპის სიძეს, ჯარედ კუშნერს შეხვდება.

ამერიკელი და უკრაინელი მაღალჩინოსნების თქმით, მოლაპარაკებების თემა, სავარაუდოდ, უკრაინის ეკონომიკური აღდგენის მიზნით შემუშავებული “კეთილდღეობის პაკეტი და მარტში რუსეთთან პოტენციური სამმხრივი შეხვედრისთვის მზადება იქნება.

სიახლეები

უკრაინის ანტიკორუფციულმა სასამართლომ პროკურორს არახამიას წინააღმდეგ საქმის აღძვრა დაავალა

4 ნოემბერს უკრაინის უმაღლესმა ანტიკორუფციულმა სასამართლომ გენერალურ პროკურორ ანტონ კოვალსკის "ანტიკორუფციული მოქმედების ცენტრის" (AntAC)...

ივანიშვილი საქართველოში ისრაელის ელჩს შეხვდა

ივანიშვილი საქართველოში ისრაელის ელჩს შეხვდა ინფორმაციას ქართული ოცნება ავრცელებს: „ქართული ოცნების“ დამფუძნებელი და საპატიო თავმჯდომარე,...

იტალია უკრაინისთვის სამხედრო დახმარების ახალ პაკეტს ამზადებს

Reuters-ის ცნობით, იტალია უკრაინისთვის სამხედრო დახმარების მორიგ, მე-13 პაკეტს ამზადებს, რომელიც მიმდინარე წელს პირველი...

4 ოქტომბრის საქმეზე მსჯავრდებულმა ნანა სანდერმა საპატიმრო დატოვ

ნანა სანდერმა N6 პენიტენციური დაწესებულება დატოვა.  4 ოქტომბრის საქმეზე მსჯავრდებულმა საპროცესო შეთანხმება გააფორმა. საპროცესო შეთანხმება...