შაბათს აშშ-ს ცენტრალურმა სარდლობამ (CENTCOM) განაცხადა, რომ თებერვლის დასაწყისში აშშ-მ სირიაში ე.წ. “ისლამური სახელმწიფოს” 30-ზე მეტ სამიზნეზე მიიტანა იერიში, რაც რეგიონში ტერორისტული ქსელის წინააღმდეგ “დაუნდობელი სამხედრო წნეხის” გაგრძელებაა.
ცენტრალური სარდლობის მიხედვით, აშშ-ს ძალებმა ISIS-ის ინფრასტრუქტურასა და იარაღის საწყობებზე იერიშები 3 თებერვლიდან 12 თებერვლამდე პერიოდში მიიტანეს.
აღნიშნული იერიშები ნაწილია იმ ოპერაციის, რომელიც დეკემბერში აშშ-სა და სირიის ძალებზე მომხდარი თავდასხმის პასუხად აშშ-ს პრეზიდენტმა დონალდ ტრამპმა 19 დეკემბერს გამოაცხადა.
ცნობისთვის, 13 დეკემბერს სირიის უძველეს ქალაქ პალმირასთან ერთობლივი პატრულირების დროს სირიისა და აშშ-ს ძალებს ცეცხლი გაუხსნეს, რის შედეგადაც ორი ამერიკელი სამხედრო და თარჯიმანი დაიღუპა. მოგვიანებით ტრამპმა Truth Social-ზე დაწერა, რომ ISIS-ის თავდასხმაზე პასუხი “ძალიან სერიოზული” იქნებოდა.
-ტაბულა-