პრემიერის, ირაკლი კობახიძის ცნობით, განვითარების ფონდი და აწარმოე საქართველო გაერთიანდება და შეიქმნება სახელმწიფო ბანკი.
“რეალურად შერწყმაზეა საუბარი. რეორგანიზაციის პროცესი ძალიან მალე დაიწყება და შეიქმნება ერთიანი ინსტიტუცია, რომელიც შესაბამისი ფუნქციებით იქნება დატვირთული, რაც ძალიან მნიშვნელოვანი ინიციატივა იყო. რამდენიმე სხვადასხვა უწყება, რომელიც შესაბამის ფუნქციებს ითავსებდა და შეიქმნება ერთიანი ინსტიტუცია, რომელიც ამ ფუნქციებით იქნება დაკავებული. რეალურად, საუბარია განვითარების ფონდზე, რომელიც აწარმოე საქართველოსთან ერთად შეერწყმება, გაერთიანდება ერთიან სუბიექტად, რომელიც იქნება ერთგვარ სახელმწიფო ბანკად წარმოდგენილი. ეს არ არის კლასიკური ბანკი, ბუნებრივია, თუმცა ბანკის მსგავსი ფუნქციებით იქნება აღჭურვილი.” – თქვა კობახიძემ.