სურსათის ეროვნული სააგენტოს ცნობით, თბილისში 20 ვეტერინარული კლინიკა შეამოწმეს, რის შედეგადაც 8 კლინიკაში გამოავლინეს ვადაგასული პრეპარატები და კრიტიკული შეუსაბამობები.

“სურსათის ეროვნული სააგენტოს თბილისის დეპარტამენტის ინსპექტორებმა და ვეტერინარული კონტროლის სამმართველოს სპეციალისტებმა, დედაქალაქში ჩატარებული სახელმწიფო კონტროლის შედეგად ვეტერინარულ კლინიკებში კრიტიკული შეუსაბამობები გამოავლინეს.

შემოწმებული 20 ობიექტიდან დარღვევები აღინიშნა 8 ვეტერინარულ კლინიკაში: შპს “ახალი ვეტერინარული კლინიკა”, ინდმეწარმე დ. ს., შპს ვეტერინარული კლინიკა “ვეტ.არტ”, შპს “დტნბ”, შპს “ზარავეტ”, შპს “ვეტცენტრი ზოოპლაზა”, ინდმეწარმე თ.ძ. (ბიონიკა), შპს “ვეტ. საავადმყოფო”.

ინსტრუმენტების არასათანადო სტერილიზაციის გამო საქმიანობა შეუჩერდა 2 კლინიკას. დაფიქსირდა ასევე ვაქცინების შენახვის წესის დარღვევა, არარეგისტრირებული, ვადაგასული და უვარგისად მიჩნეული პრეპარატების გამოყენება, საქმიანობა ეკონომიკურ საქმიანობათა რეესტრში რეგისტრაციის გარეშე, რის გამოც ბიზნესოპერატორები დაჯარიმდნენ”. – ნათქვამია განცხადებაში.