გაერთიანებული სამეფოს პრემიერმინისტრის, კირ სტარმერის თქმით, რუსეთსა და უკრაინას შორის სამშვიდობო შეთანხმების მიღწევის შემთხვევაში გაერთიანეულმა სამეფომ და საფრანგეთმა უკრაინაში სამხედრო ჰაბის შექმნის განზრახვის დამადასტურებელ დოკუმენტს მოაწერეს ხელი.
“ეს ძალიან მნიშვნელოვანი ნაწილია ჩვენი ურყევი არჩევანის ნაწილია, უკრაინას გვერდში გრძელვადიანად ვედგეთ. ეს სამართლებრივ ნიადაგს ჰქმნის, რომ ბრიტანეთის, საფრანგეთისა და პარტნიორების ძალებს შეეძლოთ უკრაინის ტერიტორიაზე ოპერირება, დაიცვან უკრაინის ცა, ზღვა და სამომავლოდ დაეხმარონ უკრაინის შეიარაღებულ ძალებს აღდგენაში” – ამბობს სტარმერი.
უკრაინის პრეზიდენტი ვოლოდიმირ ზელენსკი პარიზში დღეს, 6 იანვარს ჩავიდა, სადაც ევროპელი ლიდერებისა და აშშ-ს წარმომადგენლების თანდასწრებით “მსურველთა კოალიციის” სამიტი იმართება. ელისეის სასახლეში ასევე იმყოფებიან მივიდნენ პრეზიდენტ დონალდ ტრამპის სპეციალური წარმომადგენელი, სტივ უიტკოფი და ჯარედ კუშნერი, ტრამპის სიძე.
მოკავშირეების სამიტს საფრანგეთის პრეზიდენტი, ემანუელ მაკრონი მასპინძლობს და შეხვედრას 27 ქვეყნის ლიდერებთან ერთად NATO-ს გენერალური მდივანი, მარკ რუტეც ესწრება.