უკრაინა გრძნობს, რომ შეერთებული შტატები ომის დასრულებასთან დაკავშირებით შეთანხმების მიღწევას ისახავს მიზნად – ამის შესახებ განცხადება უკრაინის პრეზიდენტმა, ვოლოდიმირ ზელენსკი გააკეთა. მისი თქმით, ომში მყოფი ქვეყანა მშვიდობის მისაღწევად ყველაფერს აკეთებს.

ზელენსკი ხაზგასმით აღნიშნავს, რომ მიმდინარე დიპლომატიური ძალისხმევის წარმატებისთვის გადამწყვეტია, რუსეთმა პროცესის ჩაშლა ვერ შეძლოს. მისი განცხადებით, ამისათვის აუცილებელია ზეწოლის გაძლიერება რუსეთის პრეზიდენტზე, ვლადიმირ პუტინი.

უკრაინა არასოდეს ყოფილა და არც მომავალში იქნება მშვიდობის დამაბრკოლებელი. ჩვენ აქტიურად ვმუშაობთ და ყველაფერს ვაკეთებთ იმისთვის, რომ დოკუმენტები რეალურად განხორციელდეს და პრაქტიკული იყოს. მთავარია, რომ რუსეთმა ეს დიპლომატია არ ჩაშალოს და ომის დასრულებას 100%-იანი სერიოზულობით მოეკიდოს. თუ ეს არ მოხდება, მაშინ რუსეთზე დამატებითი ზეწოლა უნდა განხორციელდეს. მსოფლიოს ხელთ აქვს ყველა საჭირო ინსტრუმენტი, რათა ეს ზეწოლა ეფექტიანი გახდეს და მშვიდობა დამყარდეს.

ჩვენ მუდმივ კონტაქტში ვართ შეერთებულ შტატებთან და ველით თანამშრომლობის გაგრძელებას. ვგრძნობთ, რომ ამერიკას სურს საბოლოო შეთანხმების მიღწევა და ჩვენი მხრიდან სრული თანამშრომლობა არსებობს,“ – ხაზგასმით აღნიშნა ვოლოდიმირ ზელენსკიმ.