უკრაინის პრეზიდენტის ადმინისტრაციის უფროსის თანამდებობა ვაკანტურია – ვოლოდიმირ ზელენსკიმ ბრძანება გამოსცა ანდრეი ერმაკის თანამდებობიდან გათავისუფლების შესახებ.
ეს მას შემდეგ მოხდა, რაც დღეს უკრაინის ეროვნულმა ანტიკორუფციულმა ბიურომ და უკრაინის ანტიკორუფციულმა სპეციალურმა პროკურატურამ ერმაკის სახლსა და პრეზიდენტის ადმინისტრაციის უფროსის კაბინეტში ჩხრეკა ჩაატარა.
ჩხრეკას არ მოჰყოლია დაკითხვა, ბრალის წარდგენა ან მსგავსი პროცედურები, მაგრამ უკრაინის პრეზიდენტმა მაინც საჭიროდ მიიჩნია ერმაკის გათავისუფლება, რათა გამოძიებას ხელი არ შეშლოდა.
თავად ერმაკს კომენტარი არ გაუკეთებია, მხოლოდ ის განაცხადა, რომ გამომძიებლებს ჩხრეკის დროს სრული წვდომა ჰქონდათ სახლზეც და ოფისზეც.