28 ნოემბერს ერთი წელი ხდება, რაც გაყალბებული არჩევნებით მოსული მთავრობის პრემიერ-მინისტრმა ქვეყნის კონსტიტუციური წყობილების დამხობა გამოაცხადა. ერთი წელი ხდება, რაც უწყვეტად ვიბრძვით ქვეყნის ევროპული მომავლის გადასარჩენად. ამ ხნის მანძილზე ვაჩვენეთ მედეგობის, დაუღალავი ბრძოლის და ქვეყნის სიყვარულის მაგალითი. ჩვენი ბრძოლა არ არის უბრალოდ რეჟიმთან ბრძოლა. ჩვენ ვიბრძვით ჩვენი წართმეული ხმის დასაბრუნებლად, ადამიანის უფლებების დასაცავად, ხარისხიანი ჯანდაცვისთვის, ხარისხიანი განათლებისთვის, სიღარიბის აღმოსაფხვრელად. ჩვენ ვიბრძვით ძალადობისა და ჩაგვრის წინააღმდეგ. ვიბრძვით, რომ თითოეული ადამიანი იყოს მნიშვნელოვანი – რაც მხოლოდ ევროპული ღირებულებების ქვეყანაში მიიღწევა.
🇬🇪🇪🇺 ერთი წლის შემდეგ ჩვენ ისევ აქ ვართ- მომავლისთვის ბრძოლაში. გელით ყველას, ვინც ერთი წელია დაუღალავად ხართ პროტესტში, ვინც იყავით და სხვადასხვა მიზეზის გამო აღარ ხართ, ვინც სხვადასხვა მიზეზის გამო არ ყოფილხართ და ახლა ფიქრობთ, რომ თქვენი წილი უნდა იბრძოლოთ. მოქალაქეების ერთიანობა არის ის, რაც რეჟიმებს ანგრევს.
✊ გელით ზუგდიდში, ჩვენი ბრძოლის ველზე, სახელმწიფო რწმუნებულის ადმინისტრაციის წინ, 17:00 საათიდან. ერთად აღვნიშნოთ წინააღმდეგობის ერთი წელი – მოვითხოვოთ პოლიტპატიმრების გათავისუფლება და დავუბრუნოთ ქვეყანას ევროპული მომავალი.
ბრძოლა გამარჯვებამდე!
ნათქვამია, სამოქალაქო სოლიდარობის ფონდის მიერ გავრცელებულ ინფორმაციაში.