უკრაინის პრეზიდენტმა ვოლოდიმირ ზელენსკიმ და საფრანგეთის პრეზიდენტმა ემანუელ მაკრონმა 17 ნოემბერს ხელი მოაწერეს შეთანხმებას, რომლის მიზანიც უკრაინის თავდაცვითი შესაძლებლობების გაძლიერებაა.
მხარეების თქმით, უკრაინა ფრანგული სამხედრო აღჭურვილობის, მათ შორის, ასამდე Rafale-ის ტიპის ავიაგამანადგურებლის ყიდვას აპირებს.
მანამდე გამოცემა Reuters წერდა, რომ ლიდერები კიევის საჰაერო თავდაცვის სისტემებით, სამხედრო თვითმფრინავებითა და რაკეტებით მომარაგებაზე შეთანხმებების გაფორმებას აპირებდნენ.