აშშ-ის პრეზიდენტი დონალდ ტრამპი აცხადებს, რომ რესპუბლიკელები ამზადებენ კანონპროექტს, რომელიც მკაცრ სანქციებს დაუწესებს ნებისმიერ ქვეყანას, ვინც რუსეთთან ბიზნესს აგრძელებს. ამის შესახებ Bloomberg-ი წერს.
ტრამპის თქმით, სენატის წინადადება მისთვის მისაღებია, რაც მიუთითებს, რომ ის მხარს დაუჭერს მცდელობებს, რომლებიც მიზნად ისახავს მოსკოვის დაფინანსების შეჩერებას. პრეზიდენტმა ასევე აღნიშნა, რომ ამ სიაში შეიძლება ირანიც შევიდეს.
„რესპუბლიკელები“ წარმოადგენენ კანონპროექტს, რომელიც ძალიან მკაცრ სანქციებს აწესებს რუსეთთან საქმიანი ურთიერთობების მქონე ნებისმიერი ქვეყნისთვის“, – განუცხადა ტრამპმა ჟურნალისტებს.
სენატის უმრავლესობის ლიდერმა ჯონ ტიუნმა ადრე თქვა, რომ მზად არის კენჭისყრაზე გაიტანოს ის კანონპროექტი, რომელსაც ლინდსი გრემი დიდი ხანია ამზადებს.
კანონპროექტი ტრამპს უფლებას მისცემს, რუსეთის ენერგომატარებლებს მყიდველი ქვეყნების იმპორტზე 500%-მდე ტარიფი დააწესოს. ყველაზე მეტად ეს შეხებს ისეთ ქვეყნებს, როგორიცაა ჩინეთი და ინდოეთი.